Malayalam lyrics

ഉമ്മയ്ക്കും ബാപ്പയ്ക്കും ആയിരമായിരം
ഉമ്മയും കൊണ്ടിങ്ങു വരുമല്ലോ
ഉല്ലാസക്കൈത്തിരി കത്തിച്ചുവയ്ക്കുവാന്‍
ഉണ്ണിക്കിടാവൊന്നു വരുമല്ലോ
ഉപ്പയെപ്പോലുള്ള മൊഞ്ചാണ് അവ-
നെപ്പോഴും വിരിവുള്ള നെഞ്ചാണ്
ഇപ്പോഴേ കാണുന്നുകരളിന്റെ കണ്ണിലാ
കല്‍പ്പകക്കനിയൊത്ത രൂപം ഞാന്‍
ഉമ്മതനുദരത്തില്‍ വളര്‍ന്നിട്ടൊരുനാള്‍
ഉണരാന്‍ കിടക്കുന്ന കനിയാണ്
കൊതിയോടിരിക്കുന്നബാപ്പാക്കു ഞാനിനി
കൊടുക്കാന്‍ കരുതുന്ന നിധിയാണ്
മോഹിച്ചിരുന്നതു കിട്ടിയെന്നുള്ളൊരു
മോദത്തിലെല്ലാരും കഴിഞ്ഞീടും
വാപ്പാടെ മോനെന്നു ലോകം പുകഴ്ത്തുമ്പോള്‍
വാപ്പാക്കു ഖല്‍ബ് തെളിഞ്ഞീടും

Song video

Watch on YouTube

Song details

വർഷം: 1964

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: എൽ ആർ ഈശ്വരി

അഭിനേതാക്കൾ: പ്രേം നസീർ, ഷീല

വരികൾ: ശ്രീദേവി

Album: കുട്ടിക്കുപ്പായം