Malayalam lyrics

എഴുതിയതാരാണ്‌ സുജാത നിന്റെ
കടമിഴിക്കോണിലെ കവിത
നിന്റെ കടമിഴിക്കോണിലെ കവിത
കവിയവൻ ഇരിപ്പുണ്ടെൻ കരളിൽ എന്റെ
അനുരാഗപ്പൂമുല്ലത്തറയിൽ
എന്റെ അനുരാഗപ്പൂമുല്ലത്തറയിൽ
ഓ.
നക്ഷത്രച്ചെപ്പിലെ കണ്മഷി എഴുതിയ
ദേവതയണോ നീ അഴകിന്റെ ദേവതയണോ നീ
മരതകക്കാടിന്റെ മണി മാറിൽ വിരിയുന്ന
മന്ദാരമല്ലോ ഞാൻ മധുവൂറും
മന്ദാരമല്ലോ ഞാൻ (എഴുതിയതാരാണ്‌)
ഓ.
മനസ്സിന്റെ മണിയറയിൽ മധുരക്കിനാവിന്റെ
മണി ദീപം കൊളുത്തിയല്ലോ
നീയൊരു മണി ദീപം കൊളുത്തിയല്ലോ
ആശ തൻ തേന്മാവിൽ അനുരാഗ പൂമുല്ല
പുൽകി പടർന്നുവല്ലോ കൈ നീട്ടി
പുൽകി പടർന്നുവല്ലോ (എഴുതിയതാരാണ്‌)

Song video

Watch on YouTube

Song details

വർഷം: 1967

സംഗീതം: എം എസ്‌ ബാബുരാജ്‌

ഗാനരചന: യൂസഫലി കേച്ചേരി

ഗായകർ: കെ ജെ യേശുദാസ്, എസ് ജാനകി

അഭിനേതാക്കൾ: പ്രേം നസീർ, വിജയ നിർമ്മല

വിശദവിവരങ്ങൾ: pjoseph3

വിഡിയോ: ഗാനസ്നേഹി

കരോക്കെ: ശ്രീജിത്ത്

Album: ഉദ്യോഗസ്ഥ