Penthariye (Ulayile Kanalu) / പെൺതരിയെ (ഉലയിലെ കനല്)

Malayalam lyrics

ഉലയിലെ കനല്
മിഴിയിലെ നനവ്
രുചിയിലെ എരിവ്
പല പല ഇരുളുകൾ പൊരുതിയ
ചിരിയിലെ തെളിവ്
ഉശിരിനുമുശിര്
ഉപമകളരുത്
ഉടലൊരു കനവ്
അതിനഴകിലുമൊളിമറയുമൊരപകടമറിയ്
പെൺതരിയേ ..വിണ്ണതിരേ
കാടിനു നീ പൊന്മകളേ
പൊന്നുഷസ്സേ പൗർണമിയേ
ഈ കഥ തൻ നായികയേ
തിരയു നിൻ പുതിയ വഴി
നദികളും അഴലിതളും വാഴ്വും
വിജനമാം ഉലകമിതേ
ഒരു തരി ഭയന്നിടാതെ നീ
തീയിൽ കുരുത്തതാം പെണ്ണ്
തിളതിളപ്പുള്ള ചങ്ക്
കാണുന്ന കണ്ണിൽ തറയ്ക്കും
കൂരമ്പു പോലുള്ള നോക്ക്
വീറുള്ള വാക്കത്തി മിന്നും
വള തിളങ്ങണ കൈയ്യിൽ
വീഴുന്ന രക്തത്തിൻ ഗന്ധം
ചന്ദനച്ചോപ്പുള്ള മെയ്യിൽ
സ്മരണകൾ കവചമിനി
ഒരു തരി ഭയം വിടാതെ നീ
പെൺതരിയേ വിണ്ണതിരേ
കാടിനു നീ പൊന്മകളേ
പൊന്നുഷസ്സേ പൗർണമിയേ
ഈ കഥ തൻ നായികയേ

Song video

Watch on YouTube