Evideyaa Prakaasham / എവിടെയാ പ്രകാശം

Malayalam lyrics

ധും താനാ ധും തനന ധും ധും......
എവിടെയാ പ്രകാശം അറിയാ പാത നീളെ
ഇരുൾ പരന്നൊരു നേരം
മനം തളർന്നൊരു യാനം
നിഴലാകുമാ ചോദ്യമോ
പൊഴിഞ്ഞിടാ മഴമേഘമായ്
ധും താനാ ധും തനന ധും ധും....
അഴൽ തൊടും ഈ പരീക്ഷയിൽ
സ്വയം കെടുന്നൂ പ്രതീക്ഷകൾ
അകം പുറം തരം തിരിഞ്ഞിടാ
ഇടം വലം മിഴി തിരഞ്ഞു പോയ്
തെളിയാ നേരു തേടി
കാലമാകും തേരിലേറവേ
നാലുപാടു വഴി അലയും കാറ്റേ
മുന്നിലേക്ക് വഴി കാട്ടാമോ
രാവു വന്നു മറഞൊറിയും വാനിൽ
താരകങ്ങൾ തിരിനീട്ടാമോ
കൂത്തിലും പാട്ടിലും കൂടി എത്തുമോ നാളെ
പൊരുൾ നിലാവു പോൽ കാണുവാൻ
ധും താനാ ധും തനന ധും ധും....
എവിടെയാ പ്രകാശം അറിയാ പാത നീളെ
ഇരുൾ പരന്നൊരു നേരം
മനം തളർന്നൊരു യാനം
നിഴലാകുമാ ചോദ്യമോ
പൊഴിഞ്ഞിടാ മഴമേഘമായ്
ധും താനാ ധും തനന ധും ധും....

Song video

Watch on YouTube