Orma Nilaavu Peythu Veena / ഓർമ്മ നിലാവ് പെയ്തു വീണ

Malayalam lyrics

ഓർമ്മ നിലാവ് പെയ്തു വീണ പാതകളിൽ
മനമൊരു പാതിവിരിഞ്ഞ പൈതലാവുകയോ
വെയിലല നേർത്തു പോകുമാദ്ര സന്ധ്യകളിൽ
കനവിലെ നാലിറയങ്ങൾ തേടി നീങ്ങുകയോ
ഹൃദയമുരുകും നിമിഷമതിലായ്
തഴുകി വരുമൊരു സമീരനായ്
ചിറകു തളരും ചെറിയ കിളിയിൽ
തണലു തരുന്ന മുകിലമ്മയായ്
പാതിരതൻ പടവിറങ്ങി നീന്തുകയോ
മാനസമീ പകലിനൊത്തു നാട്ടു പൊയ്കയിൽ
ഇളംകാറ്റിലാടുമിലചാർത്തു പോൽ
പോയകാലമകമിതിൽ വരുമൊരു
മഴ ചാറ്റലായെൻ വഴിത്താരയിൽ
ഇനി തോർന്നിടാതെ ഉതിരുക നീ
ഓർമ്മ നിലാവ് പെയ്തു വീണ പാതകളിൽ
മനമൊരു പാതിവിരിഞ്ഞ പൈതലാവുകയോ
വെയിലല നേർത്തു പോകുമാദ്ര സന്ധ്യകളിൽ
കനവിലെ നാലിറയങ്ങൾ തേടി നീങ്ങുകയോ

Song video

Watch on YouTube