Malayalam lyrics

ഗൗരീ മനോഹരീ
മാരവൈരീമാനസനളിനിയില്‍
രാഗസൗരഭമുതിരും മലരായുണരും
(ഗൗരീ)
കുളിര്‍നിടിലത്തില്‍ കുങ്കുമതിലകം
തളിര്‍വിരലുകളില്‍ താമരമുകുളം
മറ്റൊരു വിണ്‍നദിപോലെ
മാറിലെ മുക്താഹാരം...
സുരുചിരമിളകി സുലളിതപദയായ്
നര്‍ത്തനമാടുക ഭുവനമനോഹരീ
(ഗൗരീ)
മൊഴിയും പൊരുളും ചേര്‍ന്നരുളുംപോല്‍
ഒരു തിരുവുടലായ് ഉമയും ഹരനും
സ നിരി നിധപ മഗരിഗമ പധനിസ
ഉജ്ജ്വലലാസ്യമുണര്‍ന്നു
താരകള്‍ ഹര്‍ഷാലോലം...
തിരുമിഴി ചിമ്മി തൊഴുതുണരുന്നു
നര്‍ത്തനമാടുക നയനമനോഹരി
(ഗൗരീ)

Song video

Watch on YouTube

Song details

വർഷം: 1991

സംഗീതം: എൽ വൈദ്യനാഥൻ

ഗാനരചന: ഓ എൻ വി കുറുപ്പ്

ഗായകർ: കെ ജെ യേശുദാസ്, സിന്ദൂരി

രാഗം: ഗൌരിമനോഹരി

വിശദവിവരങ്ങൾ: ശ്രീ

വിഡിയോ: കല്യാണി

Album: വേനൽക്കിനാവുകൾ

Malayalam