Malayalam lyrics

അല്ലിൻ അന്തിമയാമം
മഞ്ഞുതുള്ളിയായ് പുൽക്കൊടിയിൽ മയങ്ങി
ആകാശമുല്ലയിൽ ആയിരം പൂക്കളുമായ്
ആഘോഷം ആഘോഷം
പുലരി വരുമാവേശം കിളികളുടെ കലപിലയായ്
സല്ലീലമിരവിൻ അല്ലലിനെയുമ്മവെച്ചും
സല്ലപിച്ചും വന്നണഞ്ഞു മാനക്കുളിരുകാറ്റ്
സല്ലീലമിരവിൻ അല്ലലിനെയുമ്മവെച്ചും
സല്ലപിച്ചും വന്നണഞ്ഞു മാനക്കുളിരുകാറ്റ്
ഉല്ലാസ നൃത്തമാടി എതിരേറ്റോ
ഉലകമനസ്സിൻ ചില്ലകൾ ചൂടും
മഞ്ഞവെയിലലകളെ എതിരേറ്റോ എതിരേറ്റോ
പന്തീരടി പൊന്തിയല്ലോ മാനത്തെ സഞ്ചാരി
പകലിൻ പുകിലും എരിയും കിരണം
ചൊരിയും ദിനകരൻ ഒടുവിലതാ
ഊഴി വാഴ് വൊഴിയും ഊഴമെത്തി
അലയാഴിയിൽ വീണ് മറയുകയായ്
അല്ലിൻ അന്തിമയാമം
മഞ്ഞുതുള്ളിയായ് പുൽക്കൊടിയിൽ മയങ്ങി
ആകാശമുല്ലയിൽ ആയിരം പൂക്കളുമായ്
ആഘോഷം ആഘോഷം
പുലരി വരുമാവേശം കിളികളുടെ കലപിലയായ്

Song information

വർഷം: 2026

സംഗീതം: ബെന്നി ഫെർണാണ്ടസ്

ഗാനരചന: കാവാലം നാരായണപ്പണിക്കർ

ഗായകർ: ഉണ്ണി മേനോൻ, ഐശ്വര്യ കല്യാണി

വിശദവിവരങ്ങൾ: ഗാനസ്നേഹി

വിഡിയോ: ഗാനസ്നേഹി

Album: സത്യത്തിൽ സംഭവിച്ചത്

Explore this song