Malayalam lyrics
വൃന്ദാവനം ഇതു വൃന്ദാവനം ചന്ദ്രശിലാ കന്യകകൾ സ്വർണ്ണ ജലക്കുട നിവർത്തും വൃന്ദാവനം ഇതു വൃന്ദാവനം മണ്ണിന്റെ മടിയിൽ നിന്നു പൊന്നരുവികളോടിവരും വൃന്ദാവനം ഇതു വൃന്ദാവനം ആ....ആ...ആ.... പ്രേമകലയിൽ ബിരുദം നേടിയ ഹൈമവതീ നിന്റെ കാതിലീ പൂക്കൾ ചൊല്ലിയതേതു രഹസ്യം ? ഏതു രഹസ്യം ? ആ...ആ...ആ... പുഷ്പദലകുമ്പിളുമായ് പാൽപ്പുഴയിൽ നീരാടും അപ്സരസ്സുകൾ പറഞ്ഞുതന്ന പ്രണയരഹസ്യം പ്രണയരഹസ്യം ഞാനതു കേട്ടു സഖീ ഞാനതു കേട്ടു നാണം കൊണ്ടടിമുടി ഞാൻ പൂത്തു തളിർത്തു ആ....ആ...ആ.... പ്രാണഹർഷം ഞൊറിഞ്ഞുടുത്തൊരു പ്രേമവതീ നിന്നെ പാതിരാക്കുളിരിൽ മുക്കിയതേതു വികാരം ? ഏതു വികാരം ? ആ...ആ...ആ... സ്വപ്നമദം ചൂടി വരും കാമുകന്റെ മെയ്പൊതിയും വിപ്രലംഭ ശൃംഗാരത്തിൻ മധുരവികാരം മധുരവികാരം ഞാനതു കണ്ടു സഖീ ഞാനതു കണ്ടു നാണം കൊണ്ടടിമുടി ഞാൻ പൂത്തു തളിർത്തു (വൃന്ദാവനം....)
Song information
വർഷം: 1974
സംഗീതം: ആർ കെ ശേഖർ
ഗാനരചന: വയലാർ രാമവർമ്മ
ഗായകർ: കെ ജെ യേശുദാസ്, കോറസ്
വിശദവിവരങ്ങൾ: ജയ
Album: നടീനടന്മാരെ ആവശ്യമുണ്ടു്
Explore this song
- Film / album: നടീനടന്മാരെ ആവശ്യമുണ്ടു്
- Composer: ആർ കെ ശേഖർ
- Lyricist: വയലാർ രാമവർമ്മ