Malayalam lyrics

കർപ്പൂര ശുഭ്രമാം വേദ ശൈലേന്ദ്ര മൗലിയിലുണരും

കൽഹാരോധ്യാന ഗംഗയും സിന്ധുവും ബ്രഹ്മപുത്രയും

നക്ഷത്ര പതക്ക മണിഹാരങ്ങളായണിയും

നിർമ്മലാംബെ നിത്യ മംഗള ദീപാർപ്പണം

മാതേ നിൻ തിരു മലർചുണ്ടിലുണരും

വേദ സംഗീത സായൂജ്യ മന്ത്രം

യഥോ ധർമ്മ സ്തതോ ജയ

[മാതേ നിൻ തിരു]

സത്യയുഗ സൃഷ്ടി തൻ ബ്രഹ്മശാലയിൽ

സ്വയംഭൂമനുക്ഷേത്ര മണ്ഡപങ്ങളിൽ

സപ്തർഷിമാരുടെ ചുണ്ടുകളിൽ

സച്ചിന്മയീ നിൻ മന്ദ്രമുണർന്നു

[മാതേ നിൻ തിരു]

യുഗധർമ്മ വേദത്തിൻ പൊരുളറിഞ്ഞു

യജ്ഞെശ്വരന്മാർ നിന്നെ നമിപ്പൂ

പ്രപഞ്ചദേവിതൻ തൃക്കോവിലിൽ

പ്രഭാതഗീതമായ് നിൻ സൂക്തമുണർന്നു

[മാതേ നിൻ തിരു]

Song information

സംഗീതം: പെരുമ്പാവൂര്‍ ജി രവീന്ദ്രനാഥ്‌

ഗാനരചന: ഏ പി ഗോപാലന്‍

ഗായകര്‍: പി സുശീലാദേവി

രാഗം: സാരംഗ

ഹിന്ദുസ്ഥാനി രാഗം: ഛായ

വര്‍ഗ്ഗീകരണം: റേഡിയോ

വിശദവിവരങ്ങള്‍: നിത്യാനന്ദ

വിഡിയോ: സി റ്റി ബിജു

Album: ആകാശവാണി ലളിതഗാനങ്ങള്‍

Explore this song