Malayalam lyrics

കാളിന്ദീ ഞാൻ നിൻ കുളിർതീരത്തെൻ

കാർമുകിൽവർണ്ണനെ കണ്ടു

കാലൊച്ച കേൾക്കാതെ ചാരത്തു ചെന്നപ്പോൾ

കാർവർണ്ണനെങ്ങോ മറഞ്ഞു

കരളിലെ പൂത്താലം നിറയെ ഞാനിന്നും

സുരഭില മലരുകൾ ഇറുത്തു വച്ചു

അവയിലെ പ്രേമമധുവിൻ മധുരിമ

മതിയാകാഞ്ഞോ നീ മറഞ്ഞു - കണ്ണാ -

ഈ ഗോപകന്യയെ നീ മറന്നു

തളിരണി മാമരത്തണലിലാ സന്ധ്യയിൽ

ഇളകുമെന്നളകം നീ ഒതുക്കി വച്ചു

മുടിയിലെ ശ്യാമക്കടലിൻ നീലിമ

കൊതിയാണെന്നു നീ മൊഴിഞ്ഞു - കണ്ണാ -

ആ ശോണസന്ധ്യയും നീ മറന്നു

Song information

സംഗീതം: പെരുമ്പാവൂര്‍ ജി രവീന്ദ്രനാഥ്‌

ഗാനരചന: പെരുമ്പുഴ ഗോപാലകൃഷ്ണ പിള്ള

ഗായകര്‍: പി സുശീലാദേവി

വര്‍ഗ്ഗീകരണം: റേഡിയോ

വിശദവിവരങ്ങള്‍: ഓണാട്ടുകര

വിഡിയോ: പെരുമ്പുഴ ഗോപാലകൃഷ്ണ പിള്ള

Album: ആകാശവാണി ലളിതഗാനങ്ങള്‍

Explore this song