ഇസബെല്ല

Malayalam lyrics

ഇസബെലാ ഇസബെലാ
കരളിൻ പൊൻ നിധിയാണു നീ
നിഴലുപോൽ അരികിൽ ഞാൻ
അതിരു കാക്കണ കാവലും
കപ്പലുകൾ മുത്തമിടും
മധുരമീ പറുദീസയിൽ
നാടു വാഴും നായകൻ‌തൻ
അരിയസ് രാജകുമാരി നീ
ചിണുങ്ങും പാവയല്ലേ
തിളങ്ങും വൈരമല്ലേ
ബറോസിൻ ഗാനമെന്നും
നിനക്കായ് മാത്രമല്ലേ
ഇസബെലാ ഇസബെലാ
കരളിൻ പൊൻ നിധിയാണു നീ
നിഴലുപോൽ അരികിൽ ഞാൻ
അതിരു കാക്കണ കാവലും
തെളിഞ്ഞൂ താരകങ്ങൾ
ഇവളെയൊരു നോക്കു കാണാൻ
തിരഞ്ഞൂ കോകിലങ്ങൾ
കുരുന്നുകവിളുമ്മ വയ്ക്കാൻ
മൊഴിഞ്ഞൂ തിങ്കളും ശലഭങ്ങളും
ഇവൾ വേണമെന്ന്
പറഞ്ഞൂ മെല്ലെ ഞാൻ തരുകില്ല ഞാൻ
നിധിയാണിതെന്ന്
ദൈവകണമുള്ളൊരു ചൈതന്യമീ
കുഞ്ഞോമലെന്ന് ജീവനെന്ന്
ഇസബെലാ ഇസബെലാ
കരളിൻ പൊൻ നിധിയാണു നീ
നിഴലുപോൽ അരികിൽ ഞാൻ
അതിരു കാക്കണ കാവലും
രാവൊരുങ്ങീ ലാവൊരുങ്ങീ
പറന്നിറങ്ങി മിനുങ്ങുകൾ
വെള്ളിമിഴി പൂട്ടി മെല്ലെ
കനവു കണ്ടു മയങ്ങു നീ
ഡി ഗാമാ തമ്പുരാന്റെ
കുരുന്നേ കുഞ്ഞുപൂവേ
നിനക്കായ് നാളെയേതോ
പ്രഭാതം കാത്തിരിപ്പൂ
ഇസബെലാ ഇസബെലാ
കരളിൻ പൊൻ നിധിയാണു നീ
നിഴലുപോൽ അരികിൽ ഞാൻ
അതിരു കാക്കണ കാവലും
ഉം ... ഉം ...