Malayalam lyrics

ആ..ആ.ആ..

ദ്വാപരയുഗത്തിന്റെ ഹൃദയത്തിൽ നിന്നോ

ഗോപന്റെ ഗോപീ പ്രണയത്തിൽ നിന്നോ

എവിടെ നിന്നോ ഇന്നു നേടീ

യമുനേ നീയിന്ദ്രനീലം

യാദവമാധവ നീലം

(ദ്വാപരയുഗ.....)

ആ..ആ.ആ..ആ

മാഘ ഗോപിക ജലക്രീഡയ്ക്കായി

മേഘദുകൂലമഴിച്ചു

കടവിൽ കടമ്പിൽ കമ്പേറി നിന്നു

കണ്ണൻ കണ്ണന്നയച്ചൂ

ആ പീലിക്കണ്ണിലെ നീലിമയോ നീ

ആപാദചൂഡമണിഞ്ഞു

യമുനേ യമുനേ യദു നരഭാവനേ

ആ..ആ..ആ

രാഗ രാധിക വിരഹാർത്തയായീ

രജത നിലാവിൽ വിയർത്തു

രാസലീലാ വിലാസമോർത്തു രജനീ സഖിയും പൂത്തു

ആ സഖിയാളുടെ കൃഷ്ണദൂതാണോ

അഴകിൻ ശ്യാമളയാക്കീ

യമുനേ യദു നരഭാവനേ

Song information

സംഗീതം: പെരുമ്പാവൂര്‍ ജി രവീന്ദ്രനാഥ്‌

ഗാനരചന: ആര്‍ കെ ദാമോദരന്‍

ഗായകര്‍: രാധിക തിലക്

രാഗം: രാഗമാലിക (ഹരികാംബോജി, മധുവന്തി, സല്ലാപം)

വര്‍ഗ്ഗീകരണം: റേഡിയോ

വിശദവിവരങ്ങള്‍: ഇന്ദു

വിഡിയോ: രാല രാജൻ

Album: ആകാശവാണി ലളിതഗാനങ്ങള്‍

Explore this song