Thoomanju Polente Kanpeeliyil / തൂമഞ്ഞു പോലെൻ്റെ കൺപീലിയിൽ

Malayalam lyrics

തൂമഞ്ഞു പോലെൻ്റെ കൺപീലിയിൽ
തോരാതെ പെയ്യുന്നു നീ
മൂവന്തി ചായുന്ന നേരങ്ങളിൽ
താരങ്ങളായ് നിൻ ചിരി
വിഴി മൂടി മൂടിടാതെ ഉയിരുള്ള കാലമെല്ലാം
അലരേ അരികെ തണലായിടാം
വഴി മാറി മാറിടാതെ ഉടലുള്ള കാലമെല്ലാം
ഇതളേ ഇനി നിൻ ചിറകായിടാം
തൂമഞ്ഞു പോലെൻ്റെ കൺപീലിയിൽ
തോരാതെ പെയ്യുന്നു നീ
മൂവന്തി ചായുന്ന നേരങ്ങളിൽ
താരങ്ങളായ് നിൻ ചിരി
കാതരമേതോ ഈരടി പോലെ
നേർമൊഴി നീ തന്നുവോ
തീരങ്ങളാകെ നിൻ നിഴൽ പോലെൻ
കാലടി നീങ്ങുന്നുവോ
കിളിവാതിൽ പടിയിൽ കാറ്റിൻ
വിരലെൻമേൽ തഴുകും നേരം
അറിയുന്നു ഞാൻ നിൻ സാന്ത്വനം
പലവട്ടം കണ്ടാൽ പോലും
മതിയായില്ലെന്നേ തോന്നും
നിറയുന്നു കണ്ണിൽ കൗതുകം
തൂമഞ്ഞു പോലെൻ്റെ കൺപീലിയിൽ
തോരാതെ പെയ്യുന്നു നീ
മൂവന്തി ചായുന്ന നേരങ്ങളിൽ
താരങ്ങളായ് നിൻ ചിരി
വിഴി മൂടി മൂടിടാതെ ഉയിരുള്ള കാലമെല്ലാം
അലരേ അരികെ തണലായിടാം
വഴി മാറി മാറിടാതെ ഉടലുള്ള കാലമെല്ലാം
ഇതളേ ഇനി നിൻ ചിറകായിടാം

Song video

Watch on YouTube