Malayalam lyrics

മാനത്തെ ചന്ദിരനേ അഴകുള്ളൊരു ചന്ദിരനെ
ഇന്നെന്തേ വൈകിയെത്തി
എൻ ചന്ദിരാ എൻ ചന്ദിരാ
മാടത്തെ താരകമേ ചേലൊത്തൊരു പെൺകൊടിയേ
ഇന്നിത്ര തിടുക്കമെന്തേ എൻ താരകേ
മലരണിഞ്ഞ ചില്ലകളാൽ തിരി നീട്ടിയ കാവിനുള്ളിൽ
കളിയാട്ടം കാണാനായ് നേരമായെന്നോ
എൻ താരകേ...
തളിരാടും മാമലയിൽ മയിലാടണ മേടുകളിൽ
കുയിൽപ്പാട്ടുമായ് നീ പോരാമോ ഓ..ഓ..ഓ..ഓ..
കറുകപ്പുൽ നാമ്പുകളിൽ കതിരവനൊളി നീട്ടുമ്പോൾ
അരിവാളുമായ് ഞാൻ വന്നാലോ
പൊന്നലയായ്
പൊന്നലയായ് ഓ...പൊന്നലയായ്..
എൻ മൻകുളിരേകും പെണ്ണായ് പാടാനായ് നീ വാ
മിന്നും കണ്ണിൽ പൊന്നായി എന്നും എന്നിൽ പൂവായി
മാകന്ദ പൂന്തോപ്പിൽ മധുരോത്സവ നാളുകളിൽ
കളിക്കൂട്ടുകാരനായ് നിന്നില്ലേ ഓ..ഓ..ഓ...ഓ..ഓ..
അണിയെഴുതിയ വയലുകളിൽ
നറുവെള്ളരി പൂത്തൊരു നാൾ
കണികാണാൻ എന്നെ വന്നില്ലേ
പന്തലില് പന്തലില് പൂ പ്പന്തലില്
പൂത്താലമേന്തും വധുവായ് കാണാൻ നീ വാ
എന്നും മുന്നിൽ നീയായി
എന്നും നമ്മൾ ഒന്നായി ...ഓ ...
മാനത്തെ ചന്ദിരനെ അഴകുള്ളൊരു ചന്ദിരനെ
ഇന്നെന്തേ വൈകിയെത്തി എൻ ചന്ദിരാ
മാടത്തെ താരകമേ ചേലൊത്തൊരു പെൺകൊടിയേ
ഇന്നിത്ര തിടുക്കമെന്തേ എൻ താരകേ
എൻ താരകേ

Song video

Watch on YouTube

Song details

വർഷം: 2019

സംഗീതം: മോഹൻ സിതാര

ഗാനരചന: ഏങ്ങണ്ടിയൂർ ചന്ദ്രശേഖരൻ

ഗായകർ: പി ജയചന്ദ്രൻ, ജോയ്സി സുരേന്ദ്രൻ

വിശദവിവരങ്ങൾ: അജയ് മേനോൻ

വിഡിയോ: ജിജ സുബ്രഹ്മണ്യൻ

Album: 1948 - കാലം പറഞ്ഞത്