Malayalam lyrics

കണ്ണുതുറക്കാത്ത ദൈവങ്ങളേ
കരയാനറിയാത്ത ചിരിക്കാനറിയാത്ത
കളിമണ്‍പ്രതിമകളേ
മറക്കൂ നിങ്ങളീ ദേവദാസിയെ മറക്കൂ മറക്കൂ
ആയിരമായിരമന്ത:പുരങ്ങളില്‍
ആരാധിച്ചവള്‍ ഞാന്‍ നിങ്ങളെ
ആരാധിച്ചവള്‍ ഞാന്‍
നിങ്ങളൊരിയ്ക്കല്‍ ചൂടിയെറിഞ്ഞൊരു
നിശാഗന്ധിയാണു ഞാന്‍
(കണ്ണുതുറക്കാത്ത...)
കര്‍പ്പൂരനാളമായ് നിങ്ങള്‍തന്‍ മുന്‍പില്‍
കത്തിയെരിഞ്ഞവള്‍ ഞാന്‍ ഒരു നാള്‍
കത്തിയെരിഞ്ഞവള്‍ ഞാന്‍
കണ്ണീരില്‍മുങ്ങിയ തുളസിക്കതിരായ്
കാല്‍ക്കല്‍ വീണവള്‍ ഞാന്‍
(കണ്ണുതുറക്കാത്ത...)

Song video

Watch on YouTube

Song details

വർഷം: 1967

സംഗീതം: എം എസ്‌ ബാബുരാജ്‌

ഗാനരചന: വയലാർ രാമവർമ്മ

ഗായകർ: പി സുശീല

രാഗം: ശിവരഞ്ജനി

അഭിനേതാക്കൾ: ഷീല, മീന, പ്രേം നസീർ

വിശദവിവരങ്ങൾ: ദേവിപിള്ള

വിഡിയോ: കല്യാണി

കരോക്കെ: മനു

Album: അഗ്നിപുത്രി