Malayalam lyrics

ഇനിയും പുഴയൊഴുകും ഇതുവഴി
ഇനിയും കുളിർ കാറ്റോടിവരും (ഇനിയും....)
ഇനിയും പുഴയൊഴുകും...
ഒഴുക്കിനെതിരെ ഓളങ്ങൾക്കെതിരെ
ഉയരുന്ന മൺചിറകൾ തകരും
മണ്മറഞ്ഞ യുഗങ്ങൾ തൻ മന്ത്രവാദപ്പുരകൾ
മറ്റൊരു കൊടുംകാറ്റിൽ തകരും (2)
ഇനിയും പുഴയൊഴുകും ഇതുവഴി
ഇനിയും കുളിർ കാറ്റോടിവരും
ഇനിയും പുഴയൊഴുകും...
പുതിയ വെളിച്ചവുമായ്‌ പുലരികൾ ഉണരും
പുതിയ ചക്രവാളങ്ങൾ വിടരും
തുമ്പ കിളിർക്കാത്ത തുമ്പികൾ പറക്കാത്ത
തരിശു ഭൂമികൾ തീരഭൂമികൾ
ഹരിതാംബരമണിയും ഇനിയും
ഹരിതാംബരമണിയും
ഇനിയും പുഴയൊഴുകും ഇതുവഴി
ഇനിയും കുളിർ കാറ്റോടിവരും
ഇനിയും പുഴയൊഴുകും...

Song video

Watch on YouTube

Song details

വർഷം: 1967

സംഗീതം: എം എസ്‌ ബാബുരാജ്‌

ഗാനരചന: വയലാർ രാമവർമ്മ

ഗായകർ: പി ജയചന്ദ്രൻ

അഭിനേതാക്കൾ: പ്രേം നസീർ

വരികൾ: ജേക്കബ് ജോൺ, സൂസി, avinash_auh

യൂട്യൂബ് ഓഡിയോ: രാല രാജൻ

Album: അഗ്നിപുത്രി