Malayalam lyrics

ഗലീലിയാ കടലിലേ
മീന്‍പിടിക്കും തോഴരേ
ഏലയേലം വലയെറിയാ -
മെല്ലാരും നാമൊന്നായി
വലയില്‍ മീനു നിറയട്ടേ സീയോണ്‍ -
മലയില്‍ വാഴും ദൈവമേ
വഴിയില്‍ ചുഴിയും കാറ്റും മാറി
വഞ്ചിമുന്നോട്ടേറട്ടേ
(ഗലീലിയാ)
ഫറാവോന്റെയിടിയായു്
പരിതപിച്ച നമ്മളെ
ആശ നല്‍കി വിടുതല്‍ ചെയ്തു
മോശയാം പ്രവാചകന്‍
(ഗലീലിയാ)
ഇന്നു നമ്മള്‍ സീസറിന്റെ -
യടിമകളായു് തീര്‍ന്നുപോയു്
ഇനിയും വരുമൊരു മിശിഹാ
ഇവിടെ നിന്നു പോറ്റുവാന്‍
(ഗലീലിയാ)
അവന്റെ വലതു ഭാഗത്തു്
ആയിരങ്ങള്‍ വീഴുമേ
അവന്റെയിടത്തു ഭാഗത്തോ
പതിനായിരങ്ങള്‍ വീഴുമേ
അവനോ വരുമവനോ
വരുമവനോ
അതി ബലവാന്‍
(ഗലീലിയാ)

Song video

Watch on YouTube

Song details

വർഷം: 1963

സംഗീതം: ബ്രദർ ലക്ഷ്മണൻ

ഗാനരചന: തിരുനയിനാർകുറിച്ചി മാധവൻ നായർ

ഗായകർ: കെ ജെ യേശുദാസ്, എ പി കോമള, കോറസ്

വർഗ്ഗീകരണം: ക്രിസ്തീയ ഭക്തി ഗാനങ്ങൾ

വിശദവിവരങ്ങൾ: Ajay Menon according to pixelblue of entelokam

വിഡിയോ: ജയലക്ഷ്മി രവി

Album: സ്നാപക യോഹന്നാൻ