Kuppivala Nalla Chippivala / കുപ്പിവള നല്ല ചിപ്പിവള

Malayalam lyrics

കുപ്പിവള നല്ലനല്ല ചിപ്പിവള
കൂട്ടുകാരന്‍ കൊണ്ടുവന്ന കുപ്പിവള
പാട്ടുകേട്ടു സാമ്മാനിച്ച കുപ്പിവള
കുപ്പിവള കിലുങ്ങി ചിപ്പിവള കിലുങ്ങി
കൂട്ടുകാരേ ഒരു പാട്ടുപാടാം
കുപ്പിവള നല്ലനല്ല ചിപ്പിവള
വസന്തവന വള്ളിക്കുടിലില്‍ വളകിലുക്കം
നിന്റെ വളകിലുക്കം കേട്ടു വന്നല്ലോ സുന്ദരിയേ
രാജകുമാരന്‍ നിന്റെ രാജകുമാരന്‍
വളകിലുക്കം കേള്‍ക്കാനെന്തേ
വാര്‍മുടിചിക്കിയുണക്കുമ്പോള്‍?
വന്നില്ല വന്നില്ലല്ലോ രാജകുമാരന്‍
തണ്ണീരിനുപോകുമ്പോള്‍ നിന്‍ തളകിലുക്കം
കേട്ടു തളകിലുക്കം
വന്നല്ലോ കന്നിപ്പെണ്ണേ രാജകുമാരന്‍
കല്‍പ്പടവില്‍ ഞാനിറങ്ങിയപ്പോള്‍
കാലുകള്‍തട്ടിയതാണല്ലോ
വന്നില്ല വന്നില്ലല്ലോ രാജകുമാരന്‍
വന്നില്ല വന്നില്ലല്ലോ രാജകുമാരന്‍