Malayalam lyrics

ആദിമ നാദം മംഗള ദീപ ജ്വാലയാക്കിയ
വിഭാതമേ വിഭാതമേ
അകമിഴിയിൽ അഞ്ജനമെഴുതാൻ
അക്ഷരമായ് തുയിലുണരൂ
തൂലികയിൽ തുയിലുണരൂ (ആദിമ...)

വരമൊഴിയോടെ വായ് മൊഴിയോടെ (2)
ആയിരം വചനങ്ങളോടെ
നാനാർത്ഥങ്ങളും ഒന്നായ് വിടരും
മാനവഗാഥയാൽ ഹൃദയം വിടരും
ആക്ഷര ചാരുതയേകൂ
മണ്ണിനെ വിദ്യാലയമാക്കൂ (ആദിമ...)

കവികൾ പാടീ സാമഗാനം (2)
പ്രപഞ്ചലയതര ഗാനം
ശാസ്ത്രകരങ്ങൾ സാർത്ഥകമാക്കും
നവയുഗസൃഷ്ടസ്ഥിതിലയ രാഗം
സാക്ഷരലോകം തെളിയും
ജീവിത പരിവർത്തനരാഗം (ആദിമ...)

Song information

Music: രഘു കുമാർ

Lyricist: കൈതപ്രം

Singer: ഉണ്ണി മേനോൻ

Film/album: ആമിനാ ടെയിലേഴ്സ്

Explore this song