Malayalam lyrics

താംതകതകിട ധീംതകതകിട തോം
പൊന്‍‌പദമിളകി വിണ്‍‌തിര കുളിരവേ
താംതകതകിട ധീംതകതകിട തോം
ചെന്തളിരിളകി മര്‍മ്മരമുതിരവേ
ആലോലം നിറമാടും പൂമാനം
കളിപ്പന്തുമായ് മനം പാടുന്നു
(താംതകതകിട...)
തൂവാനിലോടുന്ന വര്‍ണ്ണമേഘമേ
ആരോമലാളിന്റെ ദൂതുമായ് വരൂ
മാനോടും മേടിന്ന് മേലെയായ്
മാവേലിക്കാവിന്ന് താഴെയായ്
നീയും കേട്ടോ പൂവിളികള്‍
കളിപ്പന്തുമായ് മനം തേടുന്നു
(താംതകതകിട...)
ചേതോവികാരങ്ങള്‍ മാധവങ്ങളായ്
മണ്‍‌വീണയേന്തുന്ന പാര്‍വ്വണങ്ങളായ്
കണ്‍‌മുന്നിലാടുന്ന പൂവനം
കാണാന്‍ കൊതിക്കുന്നു യൗവ്വനം
മൗനം മായും കാമനയില്‍
കളിപ്പന്തുമായ് മനം പാടുന്നു
(താംതകതകിട...)

Song video

Watch on YouTube

Song information

Music: ശരത്ത്

Lyricist: കൈതപ്രം

Singer: കെ ജെ യേശുദാസ്

Film/album: ക്ഷണക്കത്ത്

Explore this song