Malayalam lyrics

ആകാശഗോപുരം പൊന്മണി മേടയായ്
അഭിലാഷഗീതകം സാഗരമായ്
ഉദയരഥങ്ങൾ തേടിവീണ്ടും മരതകരാഗസീമയിൽ
സ്വർ‌ണ്ണപ്പറവ പാറി നിറമേഘച്ചോലയിൽ
വർ‌ണ്ണക്കൊടികളാടി കതിരോലക്കൈകളിൽ
(ആകാശഗോപുരം)
തീരങ്ങൾക്കു ദൂരേ വെണ്മുകിലുകൾക്കരികിലായ്
അണയും തോറും ആർദ്രമാകുമൊരു താരകം
ഹിമജലകണം കൺകോണിലും
ശുഭസൌരഭം അകതാരിലും
മെല്ലെ തൂവിലോലഭാവമാർന്ന നേരം
(ആകാശഗോപുരം)
സ്വപ്നാരണ്യമാകെ കളമെഴുതുമീ തെന്നലിൽ
നിഴലാടുന്ന കപടകേളിയൊരു നാടകം
കൺനിറയുമീ പൂത്തിരളിനും കരമുകരുമീ പൊന്മണലിനും
അഭയം നൽകുമാർദ്രഭാവനാജാലം
(ആകാശഗോപുരം)

Song video

Watch on YouTube

Song information

Music: ജോൺസൺ

Lyricist: കൈതപ്രം

Singer: ജി വേണുഗോപാൽ

Film/album: കളിക്കളം

Explore this song