Malayalam lyrics

ചന്ദനം പെയ്തു പിന്നെയും മനസ്സും മനസ്സും
സുന്ദരം സംഗമം സുഖം
അല്ലിമലര്‍ക്കാവിലിളം പൈങ്കിളികള്‍ തേനൊലിതന്‍
പൊന്നുരുക്കുമീ സമാഗമം മായാമധുരം
ചന്ദനം പെയ്തു പിന്നെയും മനസ്സും മനസ്സും
സുന്ദരം സംഗമം സുഖം
താമരയില്‍ വീണുടഞ്ഞതേ മന്ദം
താരിളം മിഴിയില്‍ താവളം തേടുമ്പോഴും
പൂത്തിരുവാതിരയും കാര്‍ത്തികരാവുകളും
കാത്തൊരു കാതരയും കടവില്‍ വരവായൊടുവിൽ
ഓലക്കിളിക്കൂടണഞ്ഞ തേന്‍ചുണ്ടില്‍
ഈണവും താളവും ഇടപഴകി
ജലനീലലോചനം കനവിന്‍ തിരയായ്
അവിടെയൊഴുകിയലസമണയും രാജഹംസമേ
ഏതോ കഥയുടെ മേനാവില്‍
മയക്കുന്ന മന്ത്രമുള്ള ദൂതുമായി വാ
നീയീവഴിയിൽ
ചന്ദനം പെയ്തു പിന്നെയും മനസ്സും മനസ്സും
സുന്ദരം സംഗമം സുഖം
ആറ്റുവഞ്ഞിപൂത്തു വീണ കൈത്തോടും
പാതിരാ മേടും മോതിരം മാറും നേരം
പണ്ടൊരു മുത്തശ്ശന്‍ പാടിയ രാക്കഥയില്‍
കണ്ടൊരു മോഹിനിപോല്‍ അഴകേ അണയൂ അരികില്‍
ആലിമാലിത്തെന്നലിന്റെ കൈത്താളം
പായലില്‍ ചായലില്‍ അലയിളക്കി
അണിമാറിലൂര്‍ന്നു പോയ് അളകം പുളകം
മുടിയിലൊളിയും പഴയചരിതമീറനാകുവാന്‍
മോഹം നുരയിടുമാവേശം
പലനിലപ്പന്തലുള്ള മണ്ഡപം മനം
വാ വാ ഇതിലേ
ചന്ദനം പെയ്തു പിന്നെയും മനസ്സും മനസ്സും
സുന്ദരം സംഗമം സുഖം
അല്ലിമലര്‍ക്കാവിലിളം പൈങ്കിളികള്‍ തേനൊലിതന്‍
പൊന്നുരുക്കുമീ സമാഗമം മായാമധുരം
ചന്ദനം പെയ്തു പിന്നെയും മനസ്സും മനസ്സും
സുന്ദരം സംഗമം സുഖം

Song video

Watch on YouTube

Song information

Music: ജോൺസൺ

Lyricist: ബിച്ചു തിരുമല

Singer: ബാലഗോപാലൻ തമ്പിരാധികാ തിലക്

Film/album: ചെപ്പു കിലുക്കണ ചങ്ങാതി

Explore this song