Malayalam lyrics

ശിശിരകാലമേഘമിഥുന രതിപരാഗമോ
അതോ ദേവരാഗമോ...
കുളിരില്‍ മുങ്ങുമാത്മദാഹമൃദുവികാരമോ
അതോ ദേവരാഗമോ...
ഇന്ദ്രിയങ്ങളില്‍ ശൈത്യനീലിമ...
സ്പന്ദനങ്ങളില്‍ രാസചാരുത...
മൂടല്‍മഞ്ഞല നീര്‍ത്തി ശയ്യകള്‍...
ദേവതാരുവില്‍ വിരിഞ്ഞു മോഹനങ്ങള്‍
(ശിശിരകാല)
ആ‍ദ്യരോമഹര്‍ഷവും അംഗുലീയപുഷ്പവും
അനുഭൂതി പകരുന്ന മധുരം...
ആ ദിവാസ്വപ്നവും ആനന്ദബാഷ്പവും
കതിരിടും ഹൃദയങ്ങളില്‍...
മദനഗാനപല്ലവി ഹൃദയജീവരഞ്ജിനി
ഇതളിടുമീ നിമിഷങ്ങള്‍ ധന്യം ധന്യം
(ശിശിരകാല)
ലോലലോലപാണിയാം കാലകനകതൂലിക
എഴുതുന്നൊരീ പ്രേമകാവ്യം...
ഈ നിശാലഹരിയും താരാഗണങ്ങളും
അലിയുമീ ഹൃദയങ്ങളില്‍...
ലയനരാഗവാഹിനി തരളതാളഗാമിനി
തഴുകിടുമീ നിമിഷങ്ങള്‍ ധന്യം ധന്യം
(ശിശിരകാല)

Song details

വർഷം: 1996

സംഗീതം: എം എം കീരവാണി

ഗാനരചന: എം ഡി രാജേന്ദ്രൻ

ഗായകർ: പി ജയചന്ദ്രൻ, കെ എസ് ചിത്ര

രാഗം: ഹിന്ദോളം

ഹിന്ദുസ്ഥാനി രാഗം: മാൽ കൗൺസ്

അഭിനേതാക്കൾ: Aravind Sami, ശ്രീദേവി

വിശദവിവരങ്ങൾ: ആദർശ് കെ ആർ

വിഡിയോ: akhilknair10

Album: ദേവരാഗം

Malayalam