Malayalam lyrics

രാഗമറിയില്ല താളമറിയില്ല (2)
ഒരു ഗാനത്തിന്‍ തോണിയിലേറി
അക്കരെയെത്താനറിയില്ല
(രാഗമറിയില്ല )
രാഗമറിയില്ല
കാമിനിമാരുടെ ഹൃദയം അറിയാം
കാമുക ദാഹങ്ങളറിയാം
നിധിയും തേടി പോയ കുമാരന്റെ
വിധിയെന്തായെന്നുമറിയാം
മണലില്‍ ഉയര്‍ത്തിയ കൊട്ടാരങ്ങള്‍
തിരകളിലമര്‍ന്നതുമറിയാം
പക്ഷെ
(രാഗമറിയില്ല )
രാഗമറിയില്ല
അരമനയുള്ളിലെ രഹസ്യമറിയാം
അങ്ങാടിപ്പാട്ടുകള്‍ അറിയാം
പാതിരയോളം പാടിമയങ്ങിയ
രാപ്പാടി തന്‍ ദുഃഖമറിയാം
തടവിലുറങ്ങും രാജകുമാരികള്‍
സ്വപ്നം കാണുവതറിയാം
പക്ഷെ
(രാഗമറിയില്ല )
രാഗമറിയില്ല

Song video

Watch on YouTube

Song details

വർഷം: 1989

സംഗീതം: എം ജി രാധാകൃഷ്ണൻ

ഗാനരചന: കെ ജയകുമാർ

ഗായകർ: എം ജി ശ്രീകുമാർ

വരികൾ: കല്യാണി, മാധവഭദ്രൻ

Album: അഗ്നിപ്രവേശം