Malayalam lyrics

ആ...ആ...ആ...
പാതിരാപ്പൂനിഴൽ നീളുമീ പാതയിൽ
വിലോലമായ് വിമൂകമായ്
നിന്നെ തേടുന്നു ഞാൻ...
പാതിരാപ്പൂനിഴൽ നീളുമീ പാതയിൽ...
ഈ നിലാവിലെ...പൂപ്പാലയിൽ
രാക്കിനാവുമായ്...രാപ്പാടിയായ്...
ഇനിയൊരു ഗാനം തിരയുകയായ്
ഇണയുടെ ഈണം നിറയുകയായ്
നിണം മണക്കുമോർമ്മതൻ
കണം തുളുമ്പി നിൽക്കയായ്...ഇതാ...
പാതിരാപ്പൂനിഴൽ നീളുമീ പാതയിൽ...
ഈ വിശാലമാം നീർച്ചോലയിൽ
ഈ അശാന്തമാം പൂവാടിയിൽ
പുതുമഴ തേടി അണയുകയായ്
പുതിയൊരു കാറ്റായ് അലയുകയായ്
മുഖം ചുവന്ന രാത്രി തൻ
നഖം വിരിഞ്ഞ യാമമായ്...ഇതാ...
പാതിരാപ്പൂനിഴൽ നീളുമീ പാതയിൽ
വിലോലമായ് വിമൂകമായ്
നിന്നെ തേടുന്നു ഞാൻ...
പാതിരാപ്പൂനിഴൽ നീളുമീ പാതയിൽ...

Song details

വർഷം: 2013

സംഗീതം: സുവീദ് വിൽസൺ

ഗാനരചന: രാജീവ് ആലുങ്കൽ

ഗായകർ: ജ്യോത്സ്ന രാധാകൃഷ്ണൻ

വരികൾ: കല്യാണി

Album: ബാങ്കിൾസ്

Malayalam