Malayalam lyrics

നീലാംബുജങ്ങള്‍ വിടര്‍ന്നു
നീലാരവിന്ദായതാക്ഷിയെ തേടി
നീലാംബുജങ്ങള്‍ വിടര്‍ന്നു
നിറമാല വാനില്‍ തെളിഞ്ഞു
നീരദവേണിയാം ദേവിയെ തേടി
നിറമാല വാനില്‍ തെളിഞ്ഞു
ആരാമദേവതേ നീ കണ്ടതുണ്ടോ
ആ ഗാനകല്ലോലിനിയെ
ഓരോ കിനാവിലും അനുരാഗഗീതങ്ങള്‍
പാടി മറയും പ്രവാഹിനിയെ
സ്വപ്‌നം ചിലപ്പോള്‍ ഫലിക്കുമല്ലോ
അന്നെന്‍ ചിത്രത്തിൽ ജീവന്‍ തുടിക്കുമല്ലോ
(നീലാംബുജങ്ങള്‍ ‍)
ആലോലംകാറ്റേ നീ പുല്‍കിയതുണ്ടോ
ആ സ്വര്‍ഗ്ഗവൃന്ദാവനിയെ
ഓരോ ഋതുവിലും അഭിലാഷപുഷ്‌പങ്ങള്‍
തൂവി മറയും നിരാമയിയെ
സ്വപ്‌നം ചിലപ്പോള്‍ ഫലിക്കുമല്ലോ
അന്നെന്‍ ചിത്രത്തിൽ ജീവന്‍ തുടിക്കുമല്ലോ
(നീലാംബുജങ്ങള്‍ )

Song video

Watch on YouTube

Song details

വർഷം: 1977

സംഗീതം: ജി ദേവരാജൻ

ഗാനരചന: ശ്രീകുമാരൻ തമ്പി

ഗായകർ: കെ ജെ യേശുദാസ്

രാഗം: മോഹനം

ഹിന്ദുസ്ഥാനി രാഗം: ഭൂപാളി, ഭൂപ്, ദേശ് കാർ, ജൈത് കല്യാൺ

അഭിനേതാക്കൾ: കമൽ ഹാസൻ, ശ്രീദേവി, അടൂർ ഭാസി, പികെ അബ്രഹാം

വിശദവിവരങ്ങൾ: നിത്യാനന്ദ

Album: സത്യവാൻ സാവിത്രി

Malayalam