Makene / മകനേ

Malayalam lyrics

മകനേ നിൻ കിളിക്കൊഞ്ചൽ കേൾക്കുവാൻ മോഹം
വിരൽത്തുമ്പിൽ തൂക്കി നിന്നെ നടത്താൻ മോഹം
ഓർമ്മ തൻ പൂഞ്ചിറകേറി പൊന്മകനേ വീണ്ടുമൊന്നാ
പോയകാലം കണ്ടു പോരാൻ എനിക്കു മോഹം
മകനേ നിൻ കിളിക്കൊഞ്ചൽ കേൾക്കുവാൻ മോഹം
വിരൽത്തുമ്പിൽ തൂക്കി നിന്നെ നടത്താൻ മോഹം
നോവുവന്ന നാളിലെന്റെ തോളിലൊട്ടി
കിടന്നെത്ര രാവുകൾ നീ മയങ്ങിയതോർക്കുവാൻ മോഹം
തൊട്ടിലാട്ടും നേരമൊറ്റയ്ക്കിഷ്ടരാഗം മൂളി മൂളി
മന്ദമന്ദം മയങ്ങുന്നതോർക്കുവാൻ മോഹം
മകനേ നിൻ കിളിക്കൊഞ്ചൽ കേൾക്കുവാൻ മോഹം
വിരൽത്തുമ്പിൽ തൂക്കി നിന്നെ നടത്താൻ മോഹം
തറവാടിൻ തിരുമുറ്റത്തൊളിമങ്ങാവിളക്കായി
തെളിയും നിൻ രൂപമെന്നും കാണുവാൻ മോഹം
ഋതുക്കൾ പോയ് മറഞ്ഞാലും കാലമേറെ കഴിഞ്ഞാലും
തുടിക്കും നിൻ ബാല്യമോർത്തങ്ങിരിക്കാൻ മോഹം
മകനേ നിൻ കിളിക്കൊഞ്ചൽ കേൾക്കുവാൻ മോഹം
വിരൽത്തുമ്പിൽ തൂക്കി നിന്നെ നടത്താൻ മോഹം