Malayalam lyrics

കാവേരിപ്പൂം പട്ടണത്തില്‍ വാണരുളും കാമദേവാ
കന്യക ഞാന്‍ നിന്നെ മോഹിച്ചൂ
എന്‍ കോവിലാ കണ്ണകി ഞാന്‍ നിന്നെ മോഹിച്ചൂ‍
മാനായ്ക്ക മകളേ എന്‍ മറിമാന്‍ മിഴിയാളേ
മാനിനി നിന്നേ മോഹിച്ചൂ എന്‍ കണ്ണകീ
മനസ്സാല്‍ നിന്നെ വരിച്ചൂ
മീനൊക്കും മിഴികളിലും തേനൂറൂം ചൊടികളിലും
നാണത്തിന്‍ പൂവിരിഞ്ഞു നല്ലാര്‍കുല മണിയേ
ചൊല്ലെഴും ധീരനല്ലേ വില്ലാളി വീരനല്ലേ
കല്യാണ രൂപനെന്റെ കണ്‍കണ്ട ദൈവമല്ലെ?(2)
(കാവേരിപ്പൂം പട്ടണത്തില്‍ ..)
നിന്‍ കരം ഞാന്‍ പിടിച്ചാല്‍ പൊന്‍പണം എന്തു തരും
കണ്ണകീ കണ്മണീ
നീ ചൊന്നാലും വൈകിടാതേ
ഒന്നാം പെട്ടിയില്‍ പൊന്നു തരാം
രണ്ടാം പെട്ടിയില്‍ വെള്ളി തരാം
മൂന്നാം പെട്ടിയില്‍ മുത്തു തരാം
മൂന്നു നഗരം തരാം
കാവേരി പൂം പട്ടണത്തില്‍
കാര്‍ത്തികതന്‍ കോലാഹലം
കല്യാണ വാദ്യ സംഗീതം നം കരളില്‍
സങ്കല്പ രാഗസംഗീതം

Song video

Watch on YouTube

Song details

വർഷം: 1973

സംഗീതം: എം കെ അർജ്ജുനൻ

ഗാനരചന: ശ്രീകുമാരൻ തമ്പി

ഗായകർ: കെ പി ബ്രഹ്മാനന്ദൻ, പി ലീല

അഭിനേതാക്കൾ: പ്രേം നസീർ, അടൂർ ഭാസി, കടുവാക്കുളം ആന്റണി, സാധന

വരികൾ: ശ്രീദേവി, സൂസി

യൂട്യൂബ് ഓഡിയോ: കല്യാണി

Album: അജ്ഞാതവാസം

Malayalam