Malayalam lyrics

ചാരു മന്ദസ്മിതം ചൊരിയും ശാരദേന്ദു മലരേ
അഴകിൻ തേൻകുടമായ് അണയൂ സൗന്ദര്യമേ
ചാരു മന്ദസ്മിതം ചൊരിയും ശാരദേന്ദു മലരേ
ഇനി വരും നിശയുടെ നീലാകാശത്തിൽ
നിറമഴിഞ്ഞലകളിൽ വീഴും പകലൊളിയിൽ
വന്ധ്യ മേഘങ്ങളിൽ വർഷ സംഗീതമായ്
വന്യ മോഹങ്ങളിൽ ഹർഷ സായൂജ്യമായ്
വന്നുയിരൂതി എന്നെയുണർത്തൂ നീ
ചാരു മന്ദസ്മിതം ചൊരിയും ശാരദേന്ദു മലരേ
അഴകിൻ തേൻകുടമായ് അണയൂ സൗന്ദര്യമേ
തളിരിതൾ മിഴിയിലെ സ്നേഹാർദ്രത പോലെ
പനിമലർ ഇതളിലെ നീഹാരം പോലെ
മൗന തീരങ്ങളിൽ മന്ത്ര സംഗീതമായ്
വർണ്ണസ്വപ്നങ്ങളായ് വന കല്ലോലമായ്
വന്നുടലാകെ വാരിപ്പുണരൂ നീ
ചാരു മന്ദസ്മിതം ചൊരിയും ശാരദേന്ദു മലരേ
അഴകിൻ തേൻകുടമായ് അണയൂ സൗന്ദര്യമേ
ചാരു മന്ദസ്മിതം ചൊരിയും ശാരദേന്ദു മലരേ

Song video

Watch on YouTube

Song details

Music: ഔസേപ്പച്ചൻ

Film/album: നമ്പർ 20 മദ്രാസ് മെയിൽ