Malayalam lyrics

അൻപൊലിക്കു കൊളുത്തി വെച്ച
പൊൻ നിലവിളക്ക്
അറുപതു തിരിയെരിയും പൂനിലവിളക്ക്
മനസ്സിലും മിഴിയിലും കവിത വിടർത്തും
മലനാടൻ കന്നിയെഴുന്നള്ളുന്നു(അൻപൊലിക്കു...)
നിളയുടെ മാറിലെ നീരാള ഞൊറികൾ
അവളുടെ നേരിയതിൻ കസവുകളിലാടി
അവളുടെ കഴലിൽ
കൈകൊട്ടിക്കളിയുടെ
അനുപമ ചലനങ്ങൾ തുളുമ്പി
തൈ തകത്തോം തൈ തകതോം
തയ്യക തയ്യക തൈ തകതോം (അൻപൊലിക്കു..)
അസുലഭനിർവൃതിയരുളും കപോലം
അനുകനു വേണ്ടിയോ
തൂവെണ്ണയായീ
അഭിഷേകകളഭക്കൂട്ടിന്റെ പരിമളം
അംബുജപ്പൂമാറിലൊഴുകി
തൈ തകത്തോം തൈ തകതോം
തയ്യക തയ്യക തൈ തകതോം (അൻപൊലിക്കു..)

Song video

Watch on YouTube

Song details

വർഷം: 1982

സംഗീതം: ശ്യാം

ഗാനരചന: ശ്രീകുമാരൻ തമ്പി

ഗായകർ: കെ ജെ യേശുദാസ്, കോറസ്

അഭിനേതാക്കൾ: സീമ, നെടുമുടി വേണു, മോഹൻലാൽ

വിശദവിവരങ്ങൾ: സണ്ണി ജോസഫ്

വിഡിയോ: ഗാനസ്നേഹി

Album: എനിക്കും ഒരു ദിവസം