Malayalam lyrics

വെണ്ണിലാവു കണ്ണു വെച്ച വെണ്ണക്കുടമേ 

വെള്ളിവെയിലുമ്മ വെച്ച പാദസരമേ

എന്റെ നെഞ്ചില്‍ ഉറങ്ങണ മുല്ലക്കൊടിയേ

മുത്തിന്നുള്ളില്‍ നിന്നെടുത്ത മുത്തുമണിയേ

മിന്നാ മിന്നിപ്പൊട്ടും തൊട്ട കണ്ണാം തുമ്പിക്കണ്ണും നട്ട് 

പുന്നാരം പറയേണ്ടേ കണ്‍ നിറയേ ( വെണ്ണിലാവു ..)

പിച്ച വെച്ചും മെല്ലേ ഒച്ച വെച്ചും 

അറിയാതെ എന്തിനോ നീ വളര്‍ന്നു

എന്നോടു കൊഞ്ചാന്‍ കൂട്ടില്ലയോ 

കൊതിയോടേ നോക്കി ഞാന്‍ നില്‍ക്കവേ

വെറുതേ നീ വെണ്‍ചിറകില്‍ ഏറി അന്നു പറന്നൂ 

മകളേ ഞാന്‍ മനസ്സു വാടി തളര്‍ന്നു ( വെണ്ണിലാവു ..)

കാത്തിരുന്ന ഞാന്‍ കാത്തിരുന്നു 

കണി കണ്ട നാള്‍ മുതല്‍ കണ്മണിയേ

നിന്നോടു മിണ്ടാന്‍ വാക്കില്ലയോ 

തനിയേ ഇരുന്നു ഞാന്‍ ഓര്‍ത്തു പോയ്

പഴയ പാട്ടിന്‍ പവിഴ മല്ലിയില്‍ വിരിഞ്ഞൂ 

മകളേ നീ മറന്നു പോയ ശിശിരം ( വെണ്ണിലാവു ..)

Song video

Watch on YouTube

Song information

Music: എം ജയചന്ദ്രൻ

Lyricist: ഗിരീഷ് പുത്തഞ്ചേരി

Singer: കെ ജെ യേശുദാസ്

Film/album: വൈരം

Explore this song