Malayalam lyrics

നീല വെളിച്ചം നിലാമഴ പെയ്യുന്ന
ഭോജന ശാല തൻ കോണിൽ
കുയിലുകൾ പോൽ ഇണക്കുയിലുകൾ പോൽ
ഗസലുകൾ പാടുന്ന നിങ്ങളാരോ
(നീലവെളിച്ചം...)
പ്രേമിച്ച തെറ്റിനായ് സ്വർഗ്ഗം ശപിക്കയാൽ
ഭൂമിയിൽ വന്നവരോ
നിങ്ങൾ ഭൂമിയിൽ വന്നവരോ
സ്വർഗ്ഗത്തിനജ്ഞാതമാം അനുരാഗത്തിൻ
സൗഗന്ധികം തേടി വന്നവരോ
കുയിലുകൾ പോൽ ഇണക്കുയിലുകൾ പോൽ
ഗസലുകൾ പാടുന്ന നിങ്ങളാരോ
(നീലവെളിച്ചം...)

കൂട്ടിലെ കുഞ്ഞിനായ് നെന്മണി തേടും
കുഞ്ഞാറ്റക്കുരുവികളോ
നിങ്ങൾ കുഞ്ഞാറ്റക്കുരുവികളോ
ചൂടി മുഷിഞ്ഞതാം കസവു കുപ്പായത്തിൽ
മൂടിപ്പൊതിഞ്ഞതാം ദൈന്യങ്ങളോ
കുയിലുകൾ പോൽ ഇണക്കുയിലുകൾ പോൽ
ഗസലുകൾ പാടുന്ന നിങ്ങളാരോ
(നീലവെളിച്ചം...)

Song information

Music: ഉമ്പായി

Lyricist: ഒ എൻ വി കുറുപ്പ്

Singer: ഉമ്പായി

Film/album: പാടുക സൈഗാള്‍ പാടൂ

Explore this song