Malayalam lyrics

തിരുവാഭരണവിഭൂഷിതമാം നിൻ

തിരുവുടൽ കണികാണണം മോഹന

തിരുവുടൽ കണികാണണം

മരതകമണിചാർത്തി വിളയാടുമോമന

മലർമേനികണികാണണം, അയ്യപ്പാ നിൻ

മലർമേനികണികാണണം

പൂങ്കാവനംകണ്ടു പുലരിയിൽ ഞങ്ങൾ

പമ്പാതീരമെത്തുന്നൂ, പാപം

തീർത്തുകുളിച്ചു കേറുന്നൂ

പലപലകവികൾ പാടിയുണർത്തിയ

മലനിരതാണ്ടിവരുന്നൂ, നിന്റെ

സന്നിധി തേടിവരുന്നു…

തത്വമസിയുടെ തത്വം വിളങ്ങും

തൃപ്പടികേറിവരുമ്പോൾ, പുണ്യ

ദർശനം കാത്തു നിൽക്കുമ്പോൾ

അദ്വൈതരൂപന്റെ ദിവ്യമാം കാരുണ്യം

ആഴിപോലലയടിക്കുന്നു, മുന്നിൽ

അവിടുത്തെ നടതുറക്കുന്നു.

Song information

Music: എം കെ അർജ്ജുനൻ

Lyricist: ജി നിശീകാന്ത്

Singer: പി ജയചന്ദ്രൻ

Film/album: എല്ലാം സ്വാമി

Explore this song