Malayalam lyrics

കൂടൊഴിഞ്ഞ കിളിവീട് തേടി വരുമോ നീ 

ഇനി ശ്യാമസന്ധ്യകളില്‍ ദീപമായ് 

തെളിയുമോ നീ 

നെഞ്ചില്‍ പാദസരങ്ങള്‍ തേങ്ങും രാവില്‍ 

മൂകനിലാവുല വീണു മയങ്ങിയ 

നൊമ്പരമിന്നും നിന്നെച്ചൊല്ലി കേഴുകയായി 

കണ്ണില്‍ നിറയും ശാരികേ 

പീലിക്കൂട്ടില്‍ നീ വായോ 

തേനും പാലും നീ തായോ 

(കൂടൊഴിഞ്ഞ...)

തണലുമായ് വഴിയരികിലും 

പ്രിയജനകനായ് തഴുകി നിന്നു ഞാന്‍ 

ഉദയമായ് മിഴിയെഴുതവേ 

തവജനനിപോല്‍ അഴക്‌ തന്നു ഞാന്‍ 

ഒഴിയുമീ കൂട്ടിനിരവുകള്‍ക്കിന്നു 

വിരഹമീ കഥയില്‍ നീയാരോ 

പിരിയുമീ ബന്ധം ഇടറുമാ രാഗ- 

മധുരമാം നിഴലില്‍ നീയാരോ 

പീലിക്കൂട്ടില്‍ നീ വായോ 

തേനും പാലും നീ തായോ 

(കൂടൊഴിഞ്ഞ...)

ചിരിയുമായ് കുളിരരുവിപോല്‍ 

ഇനിയൊഴുകുമോ ഹൃദയഗീതം 

തളരുമീ വനലതികകള്‍ 

തളിരണിയുമോ പുതുപുലരിയില്‍ 

ഒടുവിലീ സ്നേഹമുറിവുകള്‍ക്കുള്ളില്‍ 

എരിയുമീ കനലില്‍ നീയാരോ 

ഒഴുകുമീ ബാഷ്പസരയുവില്‍ തേങ്ങി 

ഇടറുമെന്‍ ചിറകില്‍ നീയാരോ 

പീലിക്കൂട്ടില്‍ നീ വായോ 

തേനും പാലും നീ തായോ 

(കൂടൊഴിഞ്ഞ...)

Song video

Watch on YouTube

Song information

Music: ജയപാൽ

Lyricist: എസ് രമേശൻ നായർ

Singer: കെ ജെ യേശുദാസ്

Film/album: അമ്മുവിന്റെ ആങ്ങളമാർ

Explore this song