Malayalam lyrics

ഇനിയും നിൻ മൗനമെന്തേ ? വിരിയാനായ് ധ്യാനമെന്തേ ? ഇതളോരം തേൻ തുളുമ്പും പ്രണയകാലമായ്..

മലരേ നിൻ മന്ദഹാസം

മനതാരിൽ മാഘമാസം

മധുവൂറും പൂവിൻ വാസം

പ്രണയകാലമായ്..

നിന്നോമൽ മെയ്യിൽ മെല്ലെ മെല്ലെ വീശും

കിന്നാരത്തെന്നൽ പോലെ ഞാനും

പുലരി മഞ്ഞിൽ നിറയുമഴകിൽ 

ഉണരുമോ നീ എന്നിൽ !

പൂവേ പൂവേ പൂവേ നീ എൻ കനവല്ലേ ?

പൂവേ പൂവേ പൂവേ നീയെൻ നിനവല്ലേ ?

അനുരാഗി നിൻ നെഞ്ചിലെ കനവായിരം കൊഞ്ചിയോ !

ചുണ്ടിൽ ചിരിയിതൾ ..

കണ്ണിൽ കവിതകൾ ..

കുന്നോളം മോഹം ഹൃദയവനിയിൽ 

എന്നാളും കൂടും കുളിരായ് വിരിയൂ..

പൂവേ പൂവേ പൂവേ നീ എൻ കനവല്ലേ ?

പൂവേ പൂവേ പൂവേ നീയെൻ നിനവല്ലേ ?

നറുതിങ്കളിൻ ചന്ദനം

ഉഷ:സന്ധ്യതൻ കുങ്കുമം

മഴവിൽ താലിയും ..

വെയിലിൻ പുടവയും ..

ചേരുമ്പോൾ നീയെൻ പ്രമദവനിയിൽ

എന്നാളും നീയെൻ സഖിയായി വിരിയൂ..

പൂവേ പൂവേ പൂവേ നീ എൻ കനവല്ലേ ?

പൂവേ പൂവേ പൂവേ നീയെൻ നിനവല്ലേ ?

Song video

Watch on YouTube

Song information

Music: സ്റ്റീഫൻ ദേവസ്സി

Lyricist: ഷിജോ മാനുവൽ

Singer: സൂരജ് സന്തോഷ്

Film/album: കെ ക്യൂ

Explore this song