താമരപ്പൂമഴക്കാലം

Malayalam lyrics

താമരപ്പൂ
താമരപ്പൂമഴക്കാലം
മലർ വാരിയിടും വഴിയോരം
കനവിൽ വരുമെൻ പ്രിയനെൻ മനസ്സിൽ
പകരും മധുരം പ്രണയം
താമരപ്പൂമഴക്കാലം
മലർ വാരിയിടും വഴിയോരം
എന്തിനെൻ പാട്ടിനെ തൊട്ടുണർത്താൻ
വാനവിൽ തൂവലായി നീ അണഞ്ഞു
കൂരിരുൾ കാവിൽ നീ എന്തിനെന്നെ
വെണ്ണിലാ ചിന്തുമായി തേടിവന്നു
മിഴിവാതിലടയുന്ന നേരം വരെ
തിരിനീട്ടി ശ്രുതിമീട്ടി നീ ഇരുന്നു
മിഴിയടഞ്ഞാലും ഉറങ്ങാത്തോരോർമ്മകളിൽ
താമരപ്പൂ ഹോ ഹോ
താമരപ്പൂമഴക്കാലം
മലർ വാരിയിടും വഴിയോരം
വേനലിൽ നിന്റെയീ വാർനെറ്റിയിൽ
മഞ്ഞുനീർ പൊട്ടുകൾ തൊട്ടുതരാം
ദൂരെയാണെങ്കിലും നിന്റെ നെഞ്ചിൻ
സ്പന്ദനം ചാരെ ഞാൻ കേട്ടിരുന്നു
മഴത്തുള്ളി ചൊരിയാതെ മേഘങ്ങളിൽ
മലർ മാത്രം ഉതിരുന്ന കാലം തരും
ഒരു ഋതുകൂടി അഴകോടെ വിരിയുന്നുവോ
താമരപ്പൂമഴക്കാലം
മലർ വാരിയിടും വഴിയോരം
കനവിൽ വരുമെൻ പ്രിയനെൻ മനസ്സിൽ
പകരും മധുരം പ്രണയം
താമരപ്പൂമഴക്കാലം

Song video

Watch on YouTube