Malayalam lyrics

പീലിമുകിൽ താഴ്‌വരയിൽ 
നീലനിലാ പൂന്തണലിൽ
പൊൻ വെയിലിൽ പൂവണിയും
പൂമരുതിൻ ചില്ലകളിൽ
മഴവിൽ കൂടാരം പോൽ
ഒരു പവിഴപ്പൊൻകൂടുണ്ട്
പനിനീർച്ചിറകിൽ പാറും
ഒരു കുറുവാൽ കിളിയുണ്ട്
പീലിമുകിൽ താഴ്‌വരയിൽ
നീലനിലാ പൂന്തണലിൽ
പൊൻ വെയിലിൽ പൂവണിയും
പൂമരുതിൻ ചില്ലകളിൽ
മേളിക്കാൻ മുത്തശ്ശരാകും കിഴവൻ കിളികൾ
ലാളിക്കാൻ മുന്നാഴി നിറയും നുരയും ലഹരി (2)
ആടിപ്പാടി എങ്ങെങ്ങും താളം തേടും ആവേശം
ഹേയ്... ഹേയ്..
പൊന്നുണ്ടേ മിന്നായമുണ്ടേ
മിഴി മിന്നും സ്വപ്നങ്ങളുണ്ടേ
ഉള്ളിന്നുള്ളിൽ ഊയലാടുവാൻ
പീലിമുകിൽ താഴ്‌വരയിൽ
നീലനിലാ പൂന്തണലിൽ
പൊൻ വെയിലിൽ പൂവണിയും
പൂമരുതിൻ ചില്ലകളിൽ
ആരാരും കാണാതെ അഴലിൻ എരിതീ നുകരും
ആഘോഷം തീരുന്ന നിമിഷം വെറുതേ കരയും (2)
എന്തോ തേടിയെങ്ങെങ്ങോ
പാറിപ്പോകും ഏകാന്ത യാത്രയിൽ
വർണ്ണത്തിൻ വാസന്തമുണ്ടോ
അഴകേറും പുലർകാലമുണ്ടോ
എന്നെന്നും സ്വന്തമാക്കുവാൻ
പീലിമുകിൽ താഴ്‌വരയിൽ
നീലനിലാ പൂന്തണലിൽ
പൊൻ വെയിലിൽ പൂവണിയും
പൂമരുതിൻ ചില്ലകളിൽ
മഴവിൽ കൂടാരം പോൽ
ഒരു പവിഴപ്പൊൻകൂടുണ്ട്
പനിനീർച്ചിറകിൽ പാറും
ഒരു കുറുവാൽ കിളിയുണ്ട്

Song video

Watch on YouTube

Song details

Music: ജോൺസൺ

Film/album: കുസൃതിക്കുറുപ്പ്