Mazhavillaaye Nee En Munnaale / മഴവില്ലായേ നീ എൻ മുന്നാലേ

Malayalam lyrics

മഴവില്ലായേ നീ എൻ മുന്നാലേ
എൻ കനവിന്നാകെ ചോന്നേ തന്നാലെ
നിറമൊന്നാകെ തന്നെ പിന്നാലെ
എൻ മുറിവെല്ലാമേ മാഞ്ഞേ നിന്നാലെ
മനമൊന്നാകെ പൂക്കുന്നു നോക്കിൽ താനെ
പതിവില്ലാതെ ചോക്കും പൂക്കൾ തോനെ
ആരാമം പോലായേ ഞാനാകെ
ഒന്നിച്ചിരിക്കെ നീ ഒന്നു ചിരിക്കെ
ഈ നിമിഷം വാചാലം
കണ്ണു തുറക്കെ നീ മുന്നിലിരിക്കെ
തേൻ നിറയുന്നെൻ ലോകം
തമ്മിലറിയെ നാം നമ്മിലലിയെ
പൂവിടരും പൂക്കാലം
പറയാതെ നിൻ വീണ നോക്കാതെ
മഴവില്ലായേ നീ എൻ മുന്നാലേ
എൻ കനവിന്നാകെ ചോന്നേ തന്നാലെ
കിനാവിന് തീരാതെ എൻ നിലാമതി മായാതെ നീ
പലേവഴി പോവാതെ നീ വരൂ ഇനി മെല്ലെ
വിരലാൽ വിലോലമീ നോവിലായ്
പതിയെ തലോടുക തൂവലായ് നീ
പനിമഴ പൊഴിയണ പുലരിയിലകമലർ
ഇതളില് പുതിയൊരു മധുവിധു നിറയണ
മധുരമതലിയണ പരിമളമൊഴുകണ പോൽ
ഒന്നിച്ചിരിക്കെ നീ ഒന്നു ചിരിക്കെ
ഈ നിമിഷം വാചാലം
കണ്ണു തുറക്കെ നീ മുന്നിലിരിക്കെ
തേൻ നിറയുന്നെൻ ലോകം
തമ്മിലറിയെ നാം നമ്മിലലിയെ
പൂവിടരും പൂക്കാലം
പറയാതെ നിൻ വീണ നോക്കാതെ
മഴവില്ലായേ നീ എൻ മുന്നാലേ
എൻ കനവിന്നാകെ ചോന്നേ തന്നാലെ
മഞ്ഞു വീണു തനുവാകെ
രാവ് വീണു പകലാകെ
പാതികണ്ടകനവെല്ലാമിന്ന് മുന്നിൽ ചേരുന്നേ
ചുണ്ടിലുള്ള ചിരി കാണെ
മാറിലുള്ള മുറിവാലെ
പെയ്ത് തോർന്ന മഴപോലെ
നീയിനി മെല്ലെ മായല്ലേ
ഒന്നിച്ചിരിക്കെ നീ ഒന്നു ചിരിക്കെ
എന്നുള്ളം തന്നത്താനെ നിന്നെ കൊതിക്കെ
കണ്ണൊന്നടക്കെ കണ്ട കനവേ
വന്നൊന്നുദിക്കെ ഇന്നെന്നരികെ
മിന്നൽക്കൊടിയെ മിന്നി മറയെ
ഇന്നെൻ അകമെ നെഞ്ചം ഇടിക്കെ
മുല്ലക്കൊടിയെ മെല്ലെ പതുക്കെ
നമ്മിലറിയെ നാം നമ്മിലലിയെ
മഴവില്ലായേ നീ എൻ മുന്നാലേ