Malayalam lyrics

മദംപൊട്ടിച്ചിരിക്കുന്ന മാനം
മനംപൊട്ടിക്കരയുന്ന ഭൂമി
ഇടയിൽപെട്ടിരതേടി പിടയുന്നു പ്രാണൻ
എവിടെയോ മറയുന്നു ദൈവം (2)
ഇത്തിരി തലചായ്ക്കാനീ മരുഭൂമിയിൽ
ഈന്തപ്പന നിഴലില്ല (2)
ഒട്ടു ദൂരം പോകാൻ ചുമടൊന്നു താങ്ങുവാൻ
ഒട്ടകക്കൂട്ടവുമില്ല (2)
ഓ.... (മദം പൊട്ടി ചിരിക്കുന്ന)
കരയുവാൻ കൺകളിൽ കണ്ണുനീരില്ലാത്ത
കളിമരപ്പാവകൾ ഞങ്ങൾ (2)
കാലമാം മാന്ത്രികൻ ഹോമത്തിനെഴുതിയ
കരിമഷിക്കോലങ്ങൾ ഞങ്ങൾ (2)

Song information

വർഷം: 1967

സംഗീതം: ജി ദേവരാജൻ

ഗാനരചന: ശ്രീകുമാരൻ തമ്പി

ഗായകർ: കെ ജെ യേശുദാസ്, എസ് ജാനകി

വർഗ്ഗീകരണം: ദാർശനിക ഗാനങ്ങൾ

വരികൾ: സൂസി

Album: ചിത്രമേള

Explore this song