Malayalam lyrics

മാലാഖമാരുടെ മണമൊഴുകി ഈ
മലയോരപ്പാതയ്ക്കും മദമിളകി
സ്വർഗ്ഗത്തിൽ പോരാൻ ഞങ്ങൾക്കും മോഹം
പുഷ്പകത്തിൽ സീറ്റു തരുമോ ആ
പുഷ്പകത്തിൽ സീറ്റു തരുമോ
(മാലാഖമാരുടെ....)
വളവും തിരിവും വരണല്ലോ ആ
വളയിട്ട കൈകളിൽ ഒതുങ്ങീടുമോ
ഈ വലിയ വാഹനം
അനുമതി തന്നാൽ ഭൂമിയിൽ തന്നെ
ആകാശവേഗത കാട്ടാം
(മാലാഖമാരുടെ....)
കുളിരും മലരും പൊതിയുന്നു ആ
മിഴിയുടെ തല്ലു കൊണ്ടടങ്ങീടുമോ
ഈ മധുര യൗവനം
ഒരു വാക്കു ചൊന്നാൽ നിൽക്കുന്ന നില്പിൽ
ഇരുവർക്കും ഗാന്ധർവമാകാം
(മാലാഖമാരുടെ....)

Song information

വർഷം: 1977

സംഗീതം: ജി ദേവരാജൻ

ഗാനരചന: ശ്രീകുമാരൻ തമ്പി

ഗായകർ: പി സുശീല

വരികൾ: ജിജാ സുബ്രമണ്യൻ

Album: ആനന്ദം പരമാനന്ദം

Explore this song