Malayalam lyrics

കിളുന്നു പെണ്ണിൻ മണിച്ചിരിയിൽ
ചില്ലുവളക്കിലുക്കം
കവിളിനുള്ളിൽ കളിപറഞ്ഞാൽ
കിക്കിളിപ്പൂപ്പിണക്കം
കണ്ണിൽ കാണാക്കിളി-
ക്കൂടിനുള്ളിൽ സന്തോഷം
മാറിൽ മാൻപേടയെ പുന്നാരിക്കും തുള്ളാട്ടം
പൂവു മൂടുമ്പോൾ പൂത്ത ചെമ്പകം
(കിളുന്നു...)
പാൽത്തിങ്കൾപ്പൊയ്കയിൽ പാടും പൈങ്കിളീ
നീയും കൂടെ വരേണം
മിന്നായം മിന്നിയും മൗനം മീട്ടിയും
മാടപ്പ്രാപ്പിട പോലെ
വർണ്ണക്കുടയും വെള്ളിപ്പൂച്ചാമരവും
വേനൽപ്പടവിൽ വെയിൽപ്പൂക്കാവടിയും
മരതകമണിമഞ്ഞിൻ മുത്തും വേണം
ആരും ചൂടാപ്പൂവാട ചാർത്തണം
(കിളുന്നു...)

Song video

Watch on YouTube

Song details

Music: ബേണി-ഇഗ്നേഷ്യസ്

Film/album: രാജതന്ത്രം