Kilikonchalode Koodum / കിളികൊഞ്ചലോടെ കൂടും

Malayalam lyrics

കിളിക്കൊഞ്ചലോടെ കൂടും
കളിക്കൂട്ടുകാരൻ നീയോ
ഒളിക്കുന്നതെന്താണെന്താണ്
വീണ്ടുമെന്നെ വിളിക്കുന്നതെന്താണെന്താണ് ...
തനിച്ചൊന്നു കാണാനെന്നും
പനിച്ചൊന്ന് പോയെൻ മോഹം
മനം തന്നിലേക്കും തീയാണ്
തീർത്ഥമാകാൻ
എനിക്കു നീ അല്ലാതാരാണ്
കിളിക്കൊഞ്ചലോടെ കൂടും
കളിക്കൂട്ടുകാരൻ നീയോ ...
മുളംതണ്ട് മൂളും നേരം
ഇടം കണ്ണടങ്ങാതെന്തോ
കൊതിക്കുന്നു ഗോപാലിപ്പെണ്ണ്
എന്നിലാകെ
കിതയ്ക്കുന്നു ഗോശാലപെണ്ണ്
മുളംതണ്ട് മൂളും നേരം
ഇടം കണ്ണടങ്ങാതെന്തോ
കൊതിക്കുന്നു ഗോപാലിപ്പെണ്ണ്
എന്നിലാകെ
കിതയ്ക്കുന്നു ഗോശാലപെണ്ണ്
ഇളം മഞ്ഞിറങ്ങി ഉള്ളിൽ
ഇലക്കാറ്റിണങ്ങി മെയ്യിൽ
മുഖം തന്നിടാതെ എങ്ങാണ്
പണ്ടുതൊട്ടേ സുഖം
തന്നൊരോണം നീയാണ്
കിളിക്കൊഞ്ചലോടെ കൂടും
കളിക്കൂട്ടുകാരൻ നീയോ
മഴക്കാറു കാണും നേരം
പുഴത്താളമോടെ ഞാനോ
ചിലമ്പുന്ന കാളിന്ദിപ്പെണ്ണ്
മാരികൊള്ളാൻ
തുളുമ്പുന്നൊരമ്പാടിപ്പെണ്ണ്
മഴക്കാറു കാണും നേരം
പുഴത്താളമോടെ ഞാനോ
ചിലമ്പുന്ന കാളിന്ദിപ്പെണ്ണ്
മാരികൊള്ളാൻ
തുളുമ്പുന്നൊരമ്പാടിപ്പെണ്ണ്
പുലർക്കാലമായാൽ പിന്നെ
മയിൽപ്പീലി ചൂടും നിന്നെ
കുയിൽപ്പാട്ടിലൂടെ തേടുന്നേ
എന്റെ പൊന്നേ
വെയിൽ കാഞ്ഞിരുന്നു ഞാൻ താനേ
കിളിക്കൊഞ്ചലോടെ കൂടും
കളിക്കൂട്ടുകാരൻ നീയോ
ഒളിക്കുന്നതെന്താണെന്താണ്
വീണ്ടുമെന്നെ വിളിക്കുന്നതെന്താണെന്താണ്
തനിച്ചൊന്നു കാണാനെന്നും
പനിച്ചൊന്ന് പോയെൻ മോഹം
മനം തന്നിലേക്കും തീയാണ്
തീർത്ഥമാകാൻ
എനിക്കു നീ അല്ലാതാരാണ്
കിളിക്കൊഞ്ചലോടെ കൂടും
കളിക്കൂട്ടുകാരൻ നീയോ ...