Malayalam lyrics

വാകച്ചാർത്തു കഴിഞ്ഞൊരു ദേവന്റെ
മോഹന മലർമേനി കണികാണണം (2)
കണികാണണം കണ്ണാ കണികാണണം
കമനീയമുഖപത്മം കണികാണണം
[വാകച്ചാർത്തു കഴിഞ്ഞൊരു ദേവന്റെ
മോഹന മലർമേനി കണികാണണം
മഞ്ഞപ്പട്ടാട ചാർത്തീ മണിവേണു കൈയിലേന്തി
അഞ്‌ജനക്കണ്ണനുണ്ണീ ഓടിവായോ (2)
നിറുകയിൽ പീലികുത്തീ ചുരുൾമുടി മേലേ കെട്ടി
നിറുകയിൽ പീലികുത്തീ ചുരുൾമുടി മേലേ കെട്ടി
നീലക്കാർവർണ്ണനുണ്ണീ ഓടി വായോ
നീലക്കാർവർണ്ണനുണ്ണീ ഓടി വായോ
[വാകച്ചാർത്തു കഴിഞ്ഞൊരു ദേവന്റെ...
കാലിൽ ചിലമ്പു കെട്ടി പാലയ്ക്കാമോതിരമായി
കാലികൾ മേയ്ക്കുമുണ്ണീ ഓടി വായോ (2)
ദുരിതത്തിൽ നീന്തുമെന്നെ സുകൃതത്തിൻ തീരം കാട്ടാൻ
ദുരിതത്തിൽ നീന്തുമെന്നെ സുകൃതത്തിൻ തീരം കാട്ടാൻ
മുരഹരമുകുന്ദാ നീ ഓടി വായോ
മുരഹരമുകുന്ദാ നീ ഓടി വായോ..
[വാകച്ചാർത്തു കഴിഞ്ഞൊരു ദേവന്റെ...

Song details

വർഷം: 1967

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: എസ് ജാനകി

രാഗം: ശുദ്ധസാവേരി

ഹിന്ദുസ്ഥാനി രാഗം: ദുർഗ്ഗ, ലാജ്വന്തി

അഭിനേതാക്കൾ: ശാരദ, ശാന്താദേവി

വിശദവിവരങ്ങൾ: ആദർശ്‌ കെ ആർ, ദുബായ്‌

വിഡിയോ: ജയലക്ഷ്മി രവി

Album: ഇരുട്ടിന്റെ ആത്മാവ്