Malayalam lyrics

ഈറനുടുത്തും കൊണ്ടംബരം ചുറ്റുന്ന
ഹേമന്ത രാവിലെ വെണ്മുകിലേ
കണ്ണീരില്‍ മുങ്ങിയോരെന്‍ കൊച്ചുകിനാവുകള്‍
എന്തിനീ ശ്രീകോവില്‍ ചുറ്റിടൂന്നൂ
വൃഥാ എന്തിനീ ദേവനെ കൈകൂപ്പുന്നൂ...?
കൊട്ടിയടച്ചൊരീ കോവിലിന്മുന്നില്‍ ഞാന്‍
പൊട്ടിക്കരഞ്ഞിട്ടു നിന്നാലും
വാടാത്ത പ്രതീക്ഷതന്‍ വാസന്തി പൂമാല
വാങ്ങുവാനാരാരുമണയില്ലല്ലോ
(ഈറനുടുത്തും.........)
മാനവഹൃദയത്തിന്‍ നൊമ്പരമോര്‍ക്കാതെ
മാനത്തു ചിരിക്കുന്ന വാര്‍തിങ്കളേ
മൂടുപടമണിഞ്ഞ മൂഢവികാരത്തിന്‍
നാടകം കണ്ടുകണ്ടു മടുത്തു പോയോ?
(ഈറനുടുത്തും.........)

Song video

Watch on YouTube

Song details

വർഷം: 1967

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: എസ് ജാനകി

അഭിനേതാക്കൾ: പ്രേം നസീർ, ശാരദ

വിശദവിവരങ്ങൾ: ആദർശ്‌ കെ ആർ, ദുബായ്‌

വിഡിയോ: സംശയാലു

Album: ഇരുട്ടിന്റെ ആത്മാവ്