Malayalam lyrics

താമരക്കുളക്കടവില്‍ താഴത്തെ കല്‍പ്പടവില്‍
കണ്ണാടി നോക്കും പൊന്നോമലാളേ
കാത്തിരിക്കുവതാരെ?
താമരക്കുളക്കടവില്‍ താഴത്തെ കല്‍പ്പടവില്‍
കാണാത്തപോലെ കൈവല്ലിയാലേ
കണ്ണുപൊത്തിയ മാരനെ
കണ്ണില്‍ കവിളില്‍ പൂവിരിഞ്ഞൂ
കള്ളിപ്പെണ്ണേ നീ വളര്‍ന്നൂ
കിളിപാടുമെന്‍ പൂവനമാകേ
കുളിരുകോരി വിടര്‍ന്നൂ....
താമരക്കുളക്കടവില്‍ .....
എന്നെക്കണ്ടു നീയൊരുങ്ങീ
നിന്നെക്കണ്ടു ഞാനൊരുങ്ങീ
മലര്‍മാനസപ്പൊയ്കയിലാകെ
ജലതരംഗമുയര്‍ന്നൂ
താമരക്കുളക്കടവില്‍ താഴത്തെ കല്‍പ്പടവില്‍
കാണാത്തപോലെ കൈവല്ലിയാലേ
കണ്ണുപൊത്തിയ മാരനെ
കാത്തിരിയ്ക്കുകയാണു ഞാന്‍

Song video

Watch on YouTube

Song details

വർഷം: 1964

സംഗീതം: ജി ദേവരാജൻ

ഗാനരചന: വയലാർ രാമവർമ്മ

ഗായകർ: എ എം രാജ, പി സുശീല

അഭിനേതാക്കൾ: ബാലാജി, അംബിക സുകുമാരൻ

വിശദവിവരങ്ങൾ: അഡ്മിൻ

വിഡിയോ: ഗാനസ്നേഹി

Album: സ്കൂൾ മാസ്റ്റർ