Malayalam lyrics

സുരഭീമാസം വന്നല്ലോ
കുടകപ്പാലകള്‍ പൂത്തല്ലോ
ആശ്രമരമണികള്‍ നാമൊന്നായി
കൂടുകവസന്ത ലീലകളില്‍
ഒടിയോടിവരുന്നവളാരൊ വേടന്‍ വിരട്ടിയ മാനല്ല
മാരനെയ്തൊരു മലരമ്പേറ്റു മാധുരിനുകരും മയിലല്ലോ
ആ.....
സുരഭീമാസം വന്നല്ലോ...
വേദം മാത്രം ചൊല്ലാനറിയും മാടപ്രാവിന്‍ ചുണ്ടുകളേ
മൂളിപ്പാട്ടുകള്‍ മൂളിനടക്കും മുരളികയാക്കി പൂവമ്പന്‍
ആ.....
അനുരാഗത്താല്‍ കണ്ണിണയില്‍
അഞ്ജനമെഴുതിയതാരാണ്
താമരകൂമ്പിയ മണിമാറില്‍
താമസമാക്കിയതാരാണ്?
ആ.....
സുരഭീമാസം വന്നല്ലോ...

Song video

Watch on YouTube

Song details

വർഷം: 1967

സംഗീതം: ജി ദേവരാജൻ

ഗാനരചന: പി ഭാസ്കരൻ

ഗായകർ: എസ് ജാനകി, കോറസ്

വർഗ്ഗീകരണം: പ്രേമഗാനങ്ങൾ

വിശദവിവരങ്ങൾ: ദേവിപിള്ള

Album: ശീലാവതി