Malayalam lyrics

ശബ്ദസാഗരപുത്രികളേ
സപ്തകിന്നരകന്യകളേ
നൃത്തമാടൂ നൃത്തമാടൂ
ദേവകുമാരികളേ (ശബ്ദസാഗര)
വാസന്തരാവിന്‍ നടയില്‍
വാര്‍മഴവില്ലിന്‍ മടിയില്‍ (വാസന്ത)
കാമുകഹൃദയനികുഞ്ജദലങ്ങളില്‍
പാദസരങ്ങള്‍ കിലുങ്ങി നിങ്ങടെ
പാദസരങ്ങള്‍ കിലുങ്ങി (ശബ്ദസാഗര)
കലയുടെ കല്‍പ്പകവനിയില്‍
കര്‍പൂരതുളസിത്തറയില്‍ (കലയുടെ)
വിശ്വവിപഞ്ജിക രഞ്ജിതരാഗം
വരവേല്‍ക്കുകുകയല്ലോ - നിങ്ങളെ
വരവേല്‍ക്കുകയല്ലോ (ശബ്ദസാഗര)

Song video

Watch on YouTube

Song details

വർഷം: 1965

സംഗീതം: ജി ദേവരാജൻ

ഗാനരചന: വയലാർ രാമവർമ്മ

ഗായകർ: പി സുശീല

വിശദവിവരങ്ങൾ: K N Chandrasekharan, കോട്ടയം

വിഡിയോ: കല്യാണി

Album: പട്ടുതൂവാല