Malayalam lyrics

പൂത്താലിയുണ്ടോ കിനാവേ
പൂപ്പന്തലുണ്ടോ നിലാവേ?
സങ്കൽപജീവിത വൃന്ദാവനത്തിൽ
സംഗീതം തൂവുക രാവേ രാവേ
സംഗീതം തൂവുക രാവേ...
ഏഴിലമ്പാലകൾ പൂമാരി പെയ്യുന്ന
ശാരദവാനിലെ മാളികയിൽ
ജാലകവാതിലിൽ നീല വിളക്കുമായ്‌
താരകപ്പൂമിഴി തേടുന്നതാരെ?
(പൂത്താലിയുണ്ടോ..)
നാടുകാണാൻ വരും താരമ്പനായൊരു
താമരപ്പൂക്കൂട നൽകാനായി
പൂമിഴിരണ്ടിലും സ്വപ്നവുമായെന്നും
ഈ വഴിത്താരയിൽ കാത്തിരിക്കും
(പൂത്താലിയുണ്ടോ..)

Song details

വർഷം: 1967

സംഗീതം: വി ദക്ഷിണാമൂർത്തി

ഗാനരചന: പാപ്പനംകോട് ലക്ഷ്മണൻ

ഗായകർ: കമുകറ പുരുഷോത്തമൻ, കൊച്ചിൻ അമ്മിണി

വിശദവിവരങ്ങൾ: ദേവിപിള്ള

Album: ഇന്ദുലേഖ