Malayalam lyrics

പൊന്നമ്പലമേട്ടില്‍ പുത്തിലഞ്ഞിക്കാട്ടില്‍
പൂനുള്ളാന്‍ വന്ന തമ്പുരാട്ടീ
പൊന്നോലക്കുടക്കീഴിലൊന്നിച്ചു നിന്നിട്ടു
പുതിയൊരു രോമാഞ്ചം
മേലാകെ പുതിയൊരു രോമാഞ്ചം
ചന്ദനപ്പൊടിയിട്ടു മിനുക്കിയ കവിളത്തു
സിന്ദൂരമറുകുള്ള തമ്പുരാട്ടീ
താമരപൂത്തൊരീ പൊയ്കതന്‍ തീരത്ത്
താമസിക്കാനൊരു മോഹം
ഒന്നിച്ചു താമസിക്കാനൊരു മോഹം
അല്ലിമുല്ലപ്പൂമരങ്ങള്‍ അരമണിയണിയുമ്പോള്‍
അമ്പലക്കുന്നില്‍ വെച്ചു കല്യാണം
താഴമ്പൂപോലെ നീ നാണിച്ചു നില്‍ക്കുമ്പോള്‍
താലികെട്ടാനൊരു മോഹം
കഴുത്തില്‍ താലികെട്ടാനൊരു മോഹം

Song video

Watch on YouTube

Song details

വർഷം: 1967

സംഗീതം: ബി എ ചിദംബരനാഥ്‌

ഗാനരചന: വയലാർ രാമവർമ്മ

ഗായകർ: പി ബി ശ്രീനിവാസ്

വരികൾ: ശ്രീദേവി, സംശയാലു

യൂട്യൂബ് ഓഡിയോ: കല്യാണി

Album: കോട്ടയം കൊലക്കേസ്‌