Malayalam lyrics

പിറന്നപ്പോള്‍ സ്വയം പൊട്ടിക്കരഞ്ഞുവല്ലോ - ഇന്നു
പിരിയുമ്പോള്‍ അന്യരെ കരയിക്കുന്നോ ?
പിറന്നപ്പോള്‍ സ്വയം പൊട്ടിക്കരഞ്ഞുവല്ലോ - ഇന്നു
പിരിയുമ്പോള്‍ അന്യരെ കരയിക്കുന്നോ ?
നരജന്മനാടകത്തിലാദ്യന്തമിടക്കിടെ
മുഴങ്ങുന്ന പല്ലവി കരച്ചില്‍ മാത്രം - ഇതില്‍
സുഖമെന്ന മരുപ്പച്ചയെവിടേ - എവിടേ എവിടേ
വിധിയെന്ന ചതുരംഗക്കളിക്കാരന്‍ മുന്നില്‍
പതിവായി കളിയാടാനിരിക്കുന്നൂ
സുഖദുഖക്കള്ളികളിലിടക്കിടെ മനുഷ്യരെ
നിരത്തുന്നു നീക്കുന്നു വെട്ടിമാറ്റുന്നൂ - വെട്ടിമാറ്റുന്നൂ.
പിറന്നപ്പോള്‍ സ്വയം പൊട്ടിക്കരഞ്ഞുവല്ലോ - ഇന്നു
പിരിയുമ്പോള്‍ അന്യരെ കരയിക്കുന്നോ ?
നരനിതില്‍ വെറുമൊരു കരു മാത്രം ഈ
പ്രപഞ്ചം വിധിയുടെ കളം മാത്രം
ചിരിക്കലും മദിക്കലും കണ്ണീരൊഴുക്കലും
കളിക്കാരന്‍ വരക്കുന്ന കള്ളിയില്‍ മാത്രം
കള്ളിയില്‍ മാത്രം
പിറന്നപ്പോള്‍ സ്വയം പൊട്ടിക്കരഞ്ഞുവല്ലോ - ഇന്നു
പിരിയുമ്പോള്‍ അന്യരെ കരയിക്കുന്നോ ?

Song video

Watch on YouTube

Song details

വർഷം: 1967

സംഗീതം: വിജയഭാസ്കർ

ഗാനരചന: പി ഭാസ്കരൻ

ഗായകർ: കെ ജെ യേശുദാസ്

വരികൾ: പാർവതി വേണുഗോപാൽ, സൂസി

യൂട്യൂബ് ഓഡിയോ: രാല രാജൻ

Album: ജീവിക്കാൻ അനുവദിക്കൂ